ا
لمقادير
3 كيلو تقريبا طحين أبيض
كوب ونص زيت زيتون
كوب حليب بودره
نص كوب تقريبا حبة البركة
نصف كوب سمسم محمص
ملعقتين خميرة جافه
نص كوب زبده سايحه أو إصبع صغير
ملح
حوالي 5 أكواب ماء دافئ
ملعقة كبيرة كركم
وهذه صورة المقادير قبل الخلط ( ما عدا الزيت والماء)
وممكن نضيف بعض المعطرات متل<الشومر, اليانسون, المحلب, الكركم>بيكون كله مطحون ناعم لحتى يعطي نكهه
الطريقة :
في البداية ذوبي الخميرة بكوب ماء ونص ملعقة صغيره سكر واتركيها على جنب
هلأ إخلطي كل المقادير الجافه مع بعضها وبعدها أضيفي الزبده وإدعكيها كويس مع الطحين وبعدين الزيت مع توزيعه بشكل جيد على خليط الطحين وبعدها كوب الخميرة المذابة في الماء ونبدأ بالعجن بشكل جدي وبدون مزح يعني كل ما أضفتي كوب ماء تعجنيه كويس مع الطحين وتضربيه ضربا مبرحا ( أووووووووه) وتستمري بالعجن حتى تنتهي كمية الماء وتصبح العجينة متجانسة وطريه ولكن أشد من عجينة المعجنات وممكن تحتاجي شوية صغيره ماء أو تقللي من الكمية اللي في المقادير حسب نوع الطحين لكن المهم ما تكون العجينه طرية كتير ولا قاسية يعني مثل عجينة الخبز وأتركيها حتى تخمر وهذه صورتها بعد العجن
وهذه صورتها بعد التخمير
وبعدين قطعيها ( استخدمي زيت الزيتون أثناء التقطيع) وأتركيها ترتاح حوالي 10 دقائق ولا تطولي عليها لأنها إذا تخمرت كتير ما بتعطيكي الشكل المطلوب أثناء الخبز , وهذه صورتها بعد التقطيع
هلأ نبدأ بالتشكيل وطبعا نستخدم قالب أقراص العيد المعروف وهاي صورته
واللي ما عنده القالب ممكن يرق العجين وينقشه بأي طريقة يدوية
المهم ادهني القالب بالزيت ورقي العجينه عليه حتى تمسك الرسمة على العجين وحطيها في صينية مدهونه بزيت الزيتون وأخبزيها في فرن حار (500فهرنهايت) وحمريها ولما تطلعيها من الفرن أدهنيها بفرشاة عليها زيت زيتون وبكمة غزيرة لأنه رح يتشرب كل الكمية ( وعلى فكرة ممكن تزيدي كمية الزيت اللي في المقادير لكن هاي الكميه اللي أنا أعطيتكم إياها طلعت خطييييره وخفيفه على المعده , وبعدين أحفظيه في أكياس وحطيه بالثلاجه أو الفريزر لحين الإستخدام , وهاي الصور الخطيره
بالهناااء على قلوبكم
.
الجمعة 26 أغسطس 2011 - 22:04
.gif "هيئة الرقابه العامه")
